هوة احنا كدة دايما ؟

بسم الله الرحمن الرحيم

هوة احنا دايما بنرفع اللى يعجبنا لاعلى سما حتى لو ارتكب جريمة وصلت الى انها تكون فى حق البلد مثلا وفى المقابل لو واحد ارتكب غلطة صغيرة ممكن نعزره فيها او مرتكبش حاجة فنتلككله ونكبرها او نعمل مشكلة من لا شىء

الموضوع دة انا عامله لموقف حصل وكلامى دة ممكن يزعل ناس كتير منى واكيد حلاقى اللى ينقدنى بعنف وشدة بالذات لانى لسه مستجد فى الشغل فى المنتدى ومعتقدش ان حد يعرفنى من هنا من المنتدى

عموما سواء اتنقدت بشدة او لا انا دايما اللى فى قلبى على لسانى فمش حزعل من حد الا لو فيها تجريح شخصى

نروح للموضوع وانا علشان مكترش الكلام باعتبار ان خير الكلام ما قل ودل انا حضرب مثال على الللى اقصده بكلامى السابق مثال لشخصين اختلف رد فعل كل منهما على خطاه ليس بمقدار الخطا الذى ارتكب انما بمقدار انحيازهم وحبهم وميلهم لهذا الشخص حتى ولو ارتكب جريمة فى مصلحة البلد

نيجى للمثال

بس قبل ما نروحله حسال سؤالين

لو جه واحد صاحبك بتحبه اوى الانتين يعنى وصاحبك دة عمل غلطة فى مصلحة البلد هرب مثلا من الخدمة العسكرية ايه حيكون رد فعلك هل حتكتفى باللوم فقط ام ستغضب منه بشدة ام ستخاصمه ام ستسانده اصلا ؟

لو جه واحد صاحبك تانى بس بتكرهه مووت او بمعنى اصح مستنيله غلطة وعمل غلطة بس صغيرة كان يكون مثلا لاعب كورة واتنقل من النادى اللى انت بتحبه لنادى برا مصر بطريقة غير شرعية لمجرد فقط انه نفسه يحترف وهو فى سن الضياع فى الكورة زى ما بيقولوا ايه رد فعلك معاه حتهاجمه واحتمال تضربه لو قابلته ام حتعاتبه فقط ام حتسانده وتعزره ؟

طبعا كلامى وضح جدا واكيد وضح كمان المثالين اللى انا قاصدهم

مطرب الناس بتحبه هرب من الخدمة العسكرية ودى جريمة فى مصلحة البلد الا لو حد شايف غير كدا ! الناس عاملته عادى جدا بل وساندوه ومنهم من هاجم الحكومة علشانه وكان ناقص يعملوا مظاهرة ويقولوا .... .... تحيا ....

واخر لاعب كرة كل حلمه انه يحترف واما صدق لقى عرض جاله من نادى منه حيوصل لنادى كبير وهوة عمره 34 سنة يعنى بيموت فى عرف الكورة وادارة النادى مستحيل تستغنى عنه مش بسبب انها بخيلة على لاعبيها ومش بتفكر الا فى مصلحنها هيه بس لا بس العقل بيقول كدة مش معقول نادى حيستغنى عن افضل حارس فى مصر وهما اصلا الاحتياطى عندهم منهم الشباب منعدمى الخبرة والهواة ومنهم المتواضع وان كان سيخالفنى الراى البعض المهم ان هذا الحارس اضطر الى السفر والامضاء بدون موافقة ناديه ومن ورا ظهره والناس هاجمته كانه جاب قنبله ونسف النادى وكان ناقص يطالبوا باعدامه فى ميدان عام رميا بالرصاص ليكون عبره لغيره

فهل جريمة الهروب من نادى للاحتراف اكبر جرما من جريمة الهروب من الخدمة العسكرية ؟

بالفعل نحن شعب غريب !!!