بسم الله الرحمن الرحيم انا الموضوع اللى هاكتبه ده حصل معايا امبارح بس , انا هاديكو فكره عنو بس مش هافسر لسببين الاول انى لسه مخلصتش تحقيقات فى الموضوع ده ومش فاضى او مستنى النيابه تستدعينى والتانى مستنى ردودكم طبعا لو ملقيتش حد مهتم بس مش هاكتب ايه اللى حصل (انا لقت جثه والمصيبه انى لسه شايف صاحبها من ربع ساعه)
اهلا بيكم
انا كنت ماشى فى امان الله حوالى الساعه 2ونص الضهر كده وكان الجو حر موووووووت ولقيت نفسى قريب من الكورنيش قلت اروح اقعد هناك شويه وخاصه انى بحب النيل جدا وبعيش معاه لحظات رومانسيه المهم رحت هناك وحلت عليا الرومانسيه ونزل الوحى واكتملت السمفونيه الحالمه بتليفون رومانسى نسانى الجو والحر والحوارات دى كلها
ثوانى باه هنا علشان اوضح لكم الصوره انا كنت واقف على الكورنيش تمام وفيه كوبرى لسان داخل فى النيل للى مش عارف يعنى ايه لسان تخيل مثلا كوبرى داخل فى الميه ومش كامل جه فى النص ومكملش اظن كده الصوره وضحت المهم اللسان ده طوله حوالى 20 متر ارتفاعه فى المدخل حوالى مترين ونص وفيه حديد الناس ساعات بتنزل من عليه علشان تصطاد بس النزول بصعوبه تحت الكوبرى واخره ارتفاعه فى الاخر حواالى 4 متر اوو اقل شويه وانا واقف على الكورنيش جنب مدخل اللسان ده بحوالى 5 متر ففيه امكانيه انى اشوف اللى تحت المدخل مباشره ما علينا طولت عليكو
انا واقف وبتكلم كده شفت راجل كبير فى السن حوالى 50 سنه او اقل شويه من الناس اللى على اد حالهم لابس جلابيه وماسك فى ايده كيس ومعاه طفلين صغيرين حوالى 6 سنين كده ونازلين من على مدخل اللسان بس مختش بالى ازاى الوادين الصغيرين دول عرفو ينزلو لانى مكنتش مركز معاهم خاااااالص طبعا كنت عايش فى عالم تانى المهم يعد شويه لمحت الراجل ده ماشى على ماسوره تحت الكوبرى تقريبا تلتينها غرقان فى الميه بطول الكوبرى برده مركزتش وانا طول الوقت بتمشى وانا بتكلم وطبعا مش مهتم خاااااااااالص انى اشوف الراجل ده هو بيعمل ايه او غيره حتى فكنت بروح واجى كل مره اشوف فيها لمحه من اللى انا بحكيلكم عليها تالت مره لمحت الولاد اللى معاه قالعين هدومهم وبيلعبو فى الميه والراجل مكنش ظاهر رابع مره باه لقيت الولاد دول لابسين هدومهم وبيلعبو على اخر اللسان من جوه الميه للعلم اللسان من تحت مش طريق ممهد ده حديد رفيع متوصل بين العمدان اللى رافعه اللسان وصلنا فين اه الولاد الصغيرين مش عارف ليه فى الوقت ده حاجه غريبه خلتنى ابص للميه وبرده عادى كنت لسه بتكلم فى التليفون لغايه لما لمحت حاجه شبه الجلابيه عايمه على وش الميه فى حته الميه عمقها مايزيدش عن نص متر او متر بالكتير اوىىىىىىىىىى المهم هنا بأه بدا العفريت يحضر سورى قصدى بدات اشك اصلى انا مسميه العفريت المهم طبعا لقيت نفسى هابدا ادى انطباعات عبيطه فى التليفون فاعتذرت وقلت شويه تانى وهاتصل ووقفت برده مش شايف كويس لانى على مسافه بعيدا نوعا لان الكوبرى عريض حوالى 10 متر والحاجه اللى انا شايفها فى الناحيه التانيه المهم معرفتش اعمل ايه طب تعمل ايه يا ناصر اه ابص على الراجل واتاكد ببص ملقيتش الراجل فرحت ناده على الوادين الصغيرين اللى انا لغايه دلوقتى محتار فى امرهم المهم برده لتانى مره مخدتش بالى طلعو ازاى وهما كانو على اخر الكوبرى من جوه وانا واقف على الكورنيش من بره والله بجد يا جماعه مش فاكر خااالص وصلو ازاى تحديدا ممكن اقولكم انهم رجعو وطلعو ده اللى ممكن يحصل عقلا بس انا مشفتش ده حصل للاسف ولا شفت غيره المهم بكلم الولدين
انت ياد انت وهو ايوه ياعم فين الراجل اللى كان معاكم هنا الراجللللل الراجل اللى كان معانا هنا ايوه ياد فينه منعرفش ( ده واحد منهم قال كده ) الراجل اللى كان معانا وقع فى الميه (ده التانى ) الراجل ده ابويا ياعم ( ده الواد الاولانى ) احنا مالناش دعوه هو وقع فى الميه ( مش عارف مين فيهم ) طبعا ده كله وانا متنح المهم مش عارف ليه مديت ايدى علشان امسك العيال دول اه قولت لهم هو وقع فين وجيت امسكهم علشان يشاورو ليا لقيت العيال قالو احنا مالناش دعوه وفررررررررررر جريو اه جريو وانا بصراحه مش عارف ايه اللى حصل عيال عبيطه ولا بيتكلمو جد ولا ايه انا برده لعلمكم لغايه الوقت اللى العيال دول جريو فيه مكنتش حاطط فى بالى ان فيه جثه تحت وانا مش من النوع اللى بيتصدم او يتهز بسهوله علشان حاجه زى كده تخلينى اتنح بالطريقه الهبله دى المهم علشان ما اطولش عليكو رجعت تانى لسور الكورنيش وبصت وادقق المره دى لقيت شعر راس حد ظاهر قصاد الجلابيه قلت لا ما بدهاش دى جثه جثه كان فيه عربيه ميكروباص راكنه على الناحيه التانيه من الشارع وكان السواق نايم فيها ندهت عليه يا عم انت يا اخينا انا ايوه انت تعالى يستغرب انا ايوه انت تعالى بسرعه جه يتمختر وهو بيعدى الشارع ايه يا بيه اى خدمه تعالى كده والنبى بص معايا ايه اللى فى الميه ده شكلو غريق الراجل يبص كده شويه ااااااااه غريق وزوووووووو جرى على العربيه وقال يا فكيك ابص الاقى نفسى بقيت لوحدى قصاد المعلم ده طب انزل اجيبه اطلعه ولا اسيبه لا اسيبه ايه ياعم خلى عندك نخوه برده ده كلام طب اعمل ايه يعنى ده ميت ما هو لو صاحى يا فالح ولا لسه بيغرق كان زماننا احنا الاتنين فى الميه بنطلعه اخرس باه ما اسمعش صوتك خلينى افكر هانعمل ايه اه بس مفيش غيرها ايه هى مش قلت لك اتلهى وروحت ماسك الموبيل وصوت زراير العده النوكيا تيت تيت تووت الو ايوه النجده ايوه النجده معاك بلاغ حضرتك انا لقيت جثه ايه غريييييييييق بقولك لقت غريق طب مكانك فين على الكورنيش عند سلم الملك فين سلم الملك ده جنب الكوبرى الخشب اللسان اى كوبرى يا استاذ الكبارى كتير ييييييييييييييه جنب كوفى ............ هناك اه ماشى طب اسم حضرتك ورقم تليفونك اسمى ناصر ورقم تليفونى اللى انا بكلمك منه ده خلصو بقولك غريييييييييق ( مع انى كنت عارف انه ميت بس بصراحه كنت خايف للتيار ياخده)
لغايه هنا الجزء المهم واللى فيه الاحداث اللى يهمكم تعرفوها اكتر خلص وبصراحه انا تعبت من الكتابه مستنى ردودكم لو عاوزينى اكمل بس مش هيبقى جزء مشوق زى ده لانها مش قصه ده ببساطه حصل معايا بجد ومستنى تعليقاتكم على اللى حصل
موضوع: الحقونى انا لقيت جثه (حدث بالامس) 
الثلاثاء يوليو 01, 2008 5:22 pm
)
المهم يعد شويه لمحت الراجل ده ماشى على ماسوره تحت الكوبرى تقريبا تلتينها غرقان فى الميه بطول الكوبرى برده مركزتش وانا طول الوقت بتمشى وانا بتكلم وطبعا مش مهتم خاااااااااالص انى اشوف الراجل ده هو بيعمل ايه او غيره حتى فكنت بروح واجى كل مره اشوف فيها لمحه من اللى انا بحكيلكم عليها تالت مره لمحت الولاد اللى معاه قالعين هدومهم وبيلعبو فى الميه والراجل مكنش ظاهر رابع مره باه لقيت الولاد دول لابسين هدومهم وبيلعبو على اخر اللسان من جوه الميه للعلم اللسان من تحت مش طريق ممهد ده حديد رفيع متوصل بين العمدان اللى رافعه اللسان وصلنا فين اه الولاد الصغيرين مش عارف ليه فى الوقت ده حاجه غريبه خلتنى ابص للميه وبرده عادى كنت لسه بتكلم فى التليفون لغايه لما لمحت حاجه شبه الجلابيه عايمه على وش الميه فى حته الميه عمقها مايزيدش عن نص متر او متر بالكتير اوىىىىىىىىىى المهم هنا بأه بدا العفريت يحضر سورى قصدى بدات اشك اصلى انا مسميه العفريت المهم طبعا لقيت نفسى هابدا ادى انطباعات عبيطه فى التليفون فاعتذرت وقلت شويه تانى وهاتصل ووقفت برده مش شايف كويس لانى على مسافه بعيدا نوعا لان الكوبرى عريض حوالى 10 متر والحاجه اللى انا شايفها فى الناحيه التانيه المهم معرفتش اعمل ايه طب تعمل ايه يا ناصر اه ابص على الراجل واتاكد ببص ملقيتش الراجل فرحت ناده على الوادين الصغيرين اللى انا لغايه دلوقتى محتار فى امرهم المهم برده لتانى مره مخدتش بالى طلعو ازاى وهما كانو على اخر الكوبرى من جوه وانا واقف على الكورنيش من بره والله بجد يا جماعه مش فاكر خااالص وصلو ازاى تحديدا ممكن اقولكم انهم رجعو وطلعو ده اللى ممكن يحصل عقلا بس انا مشفتش ده حصل للاسف ولا شفت غيره المهم بكلم الولدين
المهم مش عارف ليه مديت ايدى علشان امسك العيال دول اه قولت لهم هو وقع فين وجيت امسكهم علشان يشاورو ليا لقيت العيال قالو احنا مالناش دعوه وفررررررررررر جريو اه جريو وانا بصراحه مش عارف ايه اللى حصل عيال عبيطه ولا بيتكلمو جد ولا ايه انا برده لعلمكم لغايه الوقت اللى العيال دول جريو فيه مكنتش حاطط فى بالى ان فيه جثه تحت وانا مش من النوع اللى بيتصدم او يتهز بسهوله علشان حاجه زى كده تخلينى اتنح بالطريقه الهبله دى المهم علشان ما اطولش عليكو رجعت تانى لسور الكورنيش وبصت وادقق المره دى لقيت شعر راس حد ظاهر قصاد الجلابيه قلت لا ما بدهاش دى جثه جثه كان فيه عربيه ميكروباص راكنه على الناحيه التانيه من الشارع وكان السواق نايم فيها ندهت عليه يا عم انت يا اخينا 