عدد الرسائل : 789 العمر : 40 تاريخ التسجيل : 30/03/2007
موضوع: قتيل البرج .. قصه حقيقيه حصلت معايا .. الثلاثاء يوليو 01, 2008 5:32 pm
بسم الله الرحمن الرحيم
اترددت كتير قبل ما اكتب القصه دي .. لانكم لو عرفتوا الى حصل فيها هتعزروني ...
الي حصل كالأتي ...
الأبطال ...
أب + اخين
انا و اخويا ووالدي ...
انا ووالدي و اخوايا كنا بنوصل اخويا المطار عادي جدا الساعه 2 بالليل عادي جدا
ووصلنا المطار ووصلت اخويا وودعتوو....
فى الطريق انا ووالدي نزلت علينا شبوره فظيعه فظيعه مش قادر اقولكو احنا مكناش شايفين حاجه كنا لمواخده بنجري ورا العربيات الى نورها قوي عشان نمشي وراها و تقريبا العربيات كانت بتحس بينا وراها تجري مننا و بابا عربيتو على ادها و ماشييين على الطريق الزراعي ..
انا على فكره ساكن فى مدينه شبين الكوم اكيد الى بيسافر على الزراعي بيشوف دخله الكوبري بتاعها و عارف انها تبع محافظه المنوفيه ...
المهم جينا وصلنا طبعا بعد ساعتين من المشي البطيء جدا .. كان المفروض ان انا الى اسوق بس انا كنت اتبهدلت مشاوير لاخويا و مش شايف بقى يعنى انا اصلا مكننش ناوي اروح لاخويا اوصله بس الى حصل قدري بقى هعمل ايه
المهم راجعين و انا بنام على نفسى و فاتح الشباك و بابا ماشي فى اليمين براحتو خالص .. و انا حاطط دماغى على الشباك عشان منمش ابقى فايق بس فى نفس الوقت مش قادر افكر ولا اعمل حاجه بقى بقيت غبي من كتر التعب ..
المهم عند برج قويسنا .. سمعت صوت طلقه رصاص مكتومه ...
قلقت ... قلت لبابا ايه دا قالي دا تلاقيه حراميه ولا حاجه
الله ... غريبه .. لا غريبه ولا حاجه دا جوا السرقه الجو شبوره و محدش شايف حاجه بس انا كنتت شايف انا و بابا لاننا كنا ماشيين على اليمين و براحتنا تقريبا شفنا كل حاجه ...
هوب ... لقيت اتنين واحد طويل وواحد قصير ملثمين و لابسين جاكيت زي بتاع العساكر بتوع الجيش وواحد ماسك في ايدو مسدس و رافعو لفوق ....
و عدو و هما بيجروا من جمب العربيه و العربيه ماشيه
يا لهوي .. مين دول انا اتخضيت قلت لبابا ايه دا قالي دول تلاقيهم حراميه كانو بيسرقوا و حد لمحهم راحو ضربوا طلقه و جريو
تفسير منطقي جدا
و لقيت بعدها على طول عربيه على اليمين مفتوحه البابين ...
ازازها مكسور زي ما تقول مكان طلقه بس اتوسع كبير وواضح جدا عربيه تلات اربع نقل ....
فعلا ساعتها قلت لبابا ايه النصاحه دي ... بس ايه دا انا اول مره اشوف حاجه كده ...
عادي جدا عدينا من تحت الكوبري و داخلين و بديهيا بصينا الناحيه التانيه ... و بابا هدي بالعربيه لقيت حد بيزحف و راح مكفي على كاوتش العربيه الدوبل ... العربيه كانت تحت عامود كانت ظاهره اوي ....
قلت لبابا بص .. قالي ايه دا قلتلو دا قتيل يلا نجري ...
نجري !! افتكرت بقى ادهم صبري .. الي انا كنت بقراه زمان .. و قلت اعمل موقف شهامه
و قلت لبابا ابلغ ... قالي هيمسكونا و هيطلعونا احنا الى قتلينو
قلتلو يا بابا لو الراجل دا لسه فيه الروح نبقى كسبنا فيه ثواب و بعدين ما انا و اصحابي كل يوم نتصل و نكلم رقم كده مش فاكرو و نقعد نتكلم و نهرج معاهم لو كانو عيزين يعملوا حاجه كانو عملوا ...
رحت مطلع الموبيل و متصل الوو .. ايوه انا سمعت صوت رصاص ناحيه برج قويسنا و انا جاي من ناحيه الطريق الزراعي ....
انت مين .. ( الظابط ) ... تيت تيت تيت
قفلت السكه طبعا ... و رحت قافل الموبايل كمان
المهم وصلنا البيت طبعا و انا مرعوب من الى شفتو و مش متخيل ايه الى حصل ... دخلت البيت و الفجر بيدن
اتوضيت و صليت و رحت فاتح الكمبيوتر و اعد على النت ... و لقيت واح دصاحبي قلت احكيلو .. ..
و انا اعد بتكلم معاه قلت افتح الموبيل .... بفتح و بضرب نجمه 150 شباك و لقيت رقم غريب رانن عليا مفيش عشر دقايق
قلت ودا من ايه لمواخذه يعنى مين الاهبل الى هيرن عليا دلوقتي قلت ارن انا شوف الرقو دا متسجل ولا لأ ....
موضوع: قتيل البرج .. قصه حقيقيه حصلت معايا .. 
الثلاثاء يوليو 01, 2008 5:32 pm
انا رايح مشوار و راجع 
